Die Wes-Kaap departement van Landbou in samewerking met Klein Karoo Agri bied op Woensdag, 21 Mei 2025, ’n opwindende boeredag by Oudtshoorn Navorsingsplaas aan.
Daar sal deur die loop van die dag verskeie gassprekers wees wat onder andere inligtingsessies sal hou oor hoe om volhoubaar saam met die natuur te boer, verantwoordelike waterverbruik en bestuur asook, sleutels tot suksesvolle skaapboerdery om ’n paar onderwerpe te noem.
Daar sal ook 32 uitstallers wees wat veeartseny, veevoer, klere en selfs motor- en trekkerhandelaars insluit.
Die dag begin om 09:00, en belangstellendes kan vir Gerickus Vermeulen kontak by 083 277 3441 om plek te bespreek.Tans verwag hul reeds sowat 200 boere van Heidelberg, Beaufort-Wes, Prince Albert en Ladismith.
Hierdie is die ideale geleentheid om met mede-landbouers te kuier en kennis uit te brei. (ANGELIQUE ERASMUS)
Kom kuier saam by die boeredag
