Deur Liesel le Roux
ERNSTIGE toneelstukke, toneel wat die gehoor laat skaterlag het en verskeie musiekvertonings was vanjaar onder die topverkopers by die KKNK.
KKNK-gehore was nog nooit bang om sale vol te sit vir toneel nie, en bywoningsyfers vanjaar toon dit. Onder die topverkopers tel die drie-uurlange Koningin Lear, asook stukke soos Bloed en Bodem,
Katvoet, My seuns en ligter werke, met stof tot nadenke soos Non met vakansie en Donkie terwyl 3 Susters, Die voordele van eierwit en My oom se vrou se plekkie die lagtrane laat loop het. Ook die familieproduksie Jakkals en Wolf Onbeperk was gewild. Musiekvertonings onder die topverkopers was Drie van die bestes – 21 jaar later, Jo Black – Die storie agter die storie, Oud & Nuut in die Outeniqua, Karen Zoid Unplugged, en Loki Rothman & Demi Lee: Akoesties in die Karoo.
