DIE KKNK-span nooi Oudtshoorniete uit om volgende Dinsdagaand (22 Oktober) van 18:00 tot 19:30 saam te kom gesels oor KKNK 2020!
Inwoners van Oudtshoorn sal Dinsdagaand ook die geleentheid kry om Kunste Onbeperk se nuwe kommunikasie- en bemarkingsbestuurder, Jenna Leigh Bilong, en nuwe kantoorbestuurder, Lizané Basson, te ontmoet.
Die gesprek sal in die Klein Karoo Ostrich Emporium in Rademeyerstraat plaasvind.
Oudtshoorniete, kom deel jul kreatiewe idees vir volgende jaar met die KKNK-span en vertel hoe jy glo feesgangers wil kom fees hou in jou dorp! Inwoners word versoek om te laat weet as hulle die geleentheid gaan bywoon. RSVP: Daleen Witbooi by rel 044 203 8600 of e-pos na info@ kunste.org.za voor Maandag 21 Oktober om 15:00.
