Deur Ilze-Mari Gründling
DIE man wat van poging tot moord aangekla word nadat hy na bewering die 31-jarige Natasha Mei in die huis van sy suster in Bongolethu aangehou en aangerand het, verskyn weer vandag (Donderdag, 9 November) in die Oudtshoorn Landdroshof.
Enver Campher het na bewering vir Mei, die ma van sy kind, vir twee dae toegesluit, gemartel en so ernstig aangerand het dat sy daarna geruime tyd in die hospitaal behandel moes word.
