GEDIGTE en musiek is op die spyskaart vir die tweede byeenkoms van die nuutgestigte Oudtshoorn Kunstevriende volgende Dinsdagaand (15 Mei).
Inwoners word genooi om ’n piekniekmandjie te pak en saam te kom kuier.
Bring ook jou eie wyn saam.
Die byeenkoms vind soos die vorige keer in die Klein Karoo Ostrich Emporium (ou Bokomo-gebou) plaas.
Die program sal bestaan uit gedigte van Coen Basson, Susan Ongansie en Hannes Visser terwyl Jaco Kriek op saksofoon en Marisca Visagie met sang en kitaar teenwoordiges sal vermaak.
Die byeenkoms begin om 18:00 vir 18:30.
Kaartjies (R50) is by Die Herrie te koop, of EFT na Capitec 57 846 9609 en gebruik naam en van as verwysing en kry kaartjies die aand van die uitvoering.