Die maandlikse besigheidskamer gholfdag het weer groot opwinding op die baan gelewer, met pa-en-seun wat die dag se hoogste eerbewyse ingepalm het in ’n sterk veld van mededingers. Die geleentheid is moontlik gemaak deur Klein Karoo Chery en Alert Patrol, wat as trotse borge opgetree het.
In die derde plek het M. Swart en M. Galbracht geëindig nadat hulle ’n stewige 71 punte en bestendige ronde gespeel het. Die tweede plek is ingeneem deur J. Arries en M.J. Wagenaar, met 77 punte wat ook ’n indrukwekkende vertoning gelewer het en tot op die einde meegeding het vir die titel.
Die hoogtepunt van die dag was egter die oorwinning van E.P. du Plessis en S. Du Plessis, ’n pa-en-seun span wat met uitstekende samewerking en presisie spel die veld oorheers het. Hul oorwinning is met groot toejuiging ontvang en het ’n spesiale hoogtepunt van die dag gevorm.
Die Besigheidskamer het hul dank uitgespreek teenoor die borge en alle deelnemers wat bygedra het tot ’n suksesvolle en genotvolle gholfdag. Daar word reeds uitgesien na volgende maand se byeenkoms. (GRANWILLE GOLIATH)
Be the first to comment on "Pa-en-seun span wen besigheidskamer gholfdag"