Harlequins Force RFC het Saterdag hul tuisskare behoorlik laat juig toe hulle George in ’n opwindende dag van rugby op Harlequins Force se tuisveld ontvang en uiteindelik die hoofwedstryd met 38-36 gewen het.
Die dag was gevul met passie, deursettingsvermoë en rugby van hoogstaande gehalte, met ondersteuners wat elke minuut van die aksie geniet het.
Die C-span het die dag op ’n wennoot afgeskop. In ’n uiters spannende wedstryd waar elke punt goud werd was, het Harlequins daarin geslaag om met 20-19 as wenners uit die stryd te tree. Die spelers het groot karakter getoon en onder druk koelkop gebly om die eenpuntsege veilig te stel. Dit was ‘n uitstekende begin wat die toon vir die res van die dag aangegee het.
Die B-span het daarna alles in hul vermoë gedoen om die wenreeks voort te sit. Hoewel hulle met groot vasberadenheid gespeel het en nooit moed opgegee het nie, was George op die dag net effens skerper in die beslissende oomblikke. Harlequins moes uiteindelik die knie buig met 31-24, maar die span se veggees en toewyding het groot respek afgedwing.
Die hoogtepunt van die dag was sonder twyfel die hoofwedstryd. Van die eerste afskop af het albei spanne gewys waarom hulle as sterk mededingers beskou word.
Die tempo was hoog, die aanslae hard en die aanvalle gevaarlik. Elke span het elke geleentheid benut om punte aan te teken, wat die wedstryd in ’n ware skouspel omskep het.
Harlequins Force RFC het egter geweier om terug te staan. Met uitstekende spanwerk, gedissiplineerde verdediging en aanvallende rugby van die hoogste gehalte het hulle keer op keer teruggeslaan.
Die spelers het hul ervaring en kalmte in die kritieke oomblikke gewys en daarin geslaag om die voorsprong te behou ondanks George se aanhoudende druk.
Toe die eindfluitjie blaas, was die telbord in Harlequins se guns: 38-36. Die oorwinning was die beloning vir ’n span wat nooit opgehou glo het nie en wat met trots hul tuisveld verdedig het. Met twee oorwinnings uit drie wedstryde kan Harlequins Force RFC met selfvertroue na die volgende uitdaging uitsien.
Die vertoning het weereens bewys dat die klub oor die talent, karakter en spangees beskik om teen enige teenstander mee te ding en hul ondersteuners trots te maak. (GRANWILLE GOLIATH)
Harlequins Force RFC hou senuwees van staal en troef George in rugbyriller
Foto verskaf.
Be the first to comment on "Harlequins Force RFC hou senuwees van staal en troef George in rugbyriller"