Langenhoven Gimnasium se bergfietsryers het op Saterdag, 20 April aan die Eden Stilbaai 2024 XEM-reeks in Stilbaai deelgeneem.
Die leerders het onderskeidelik aan die 42 km en 25 km wedrenne deelgeneem. In die 42 km afstand vir mans het Pieter Mosterd algeheel 7de en 4de in sy ouderdomsgroep geëindig.
Tiaan Janse van Rensburg was 11de algeheel en 7de in sy ouderdomsgroep. Jaco Theron was 15de algeheel en 10de in sy ouderdomsgroep, en Pieter Fourie 16de algeheel en 6de in sy ouderdomsgroep.
In die 42 km vroue wedren het Andrea van der Linde algeheel 4de, en 3de in haar ouderdomsgroep klaargemaak.
In die 25 km vir mans het Luhan van Wyk ’n algehele 8ste plek gekry en hy was 5de in sy ouderdomsgroep, terwyl Krige Theron algeheel die 12de plek gevat het en 7de in sy ouderdomsgroep geëindig het. (Deur Lindi Brill)
Gimmies laat speke sing
Die leerders van Langenhoven Gimnasium wat aan die Eden Stilbaai 2024 XEM-reeks in Stilbaai deelgeneem het. Foto: Verskaf