BERT VERLINDE het met ’n vinnige tyd van 19 minute 25 sekondes Saterdag, 13 November se 262ste Oudtshoorn Parkrun by Surval Olyflandgoed gewen.
Pieter de Wet was tweede met sy tyd van 20 minute 37 sekondes en Yaron Venter derde slegs ’n sekonde na hom.
Tarren Jullies was die eerste vrou met ’n tyd van 24 minute 46 sekondes.
Die Oudtshoorn Parkrun is vinnig besig om weer momentum te kry met nie minder as 65 drawwers en stappers wat Saterdag deelgeneem het.
Die top deelnemers en hul tye was soos volg: Jannie Fourie (23:59), Chantal Conradie (27:58), Conrad Jullies (28:54), Ania Fourie (29:01), Geepee Smith (29:53), Bart Saaiman (30:24), Henry Carstens (30:25), Richter Scholtz (30:35), Judi Maritz (30:42), Rozanne Rossouw (33:41), Cara Theron (34:09), Betsie Colyn (34:21), Charl du Plessis (34:21), Desiré Potgieter (34:49) en Irma Scholtz (36:11).
• Die Oudtshoorn Parkrun word elke Saterdagoggend by Surval Olyflandgoed aangebied. Wegspringtyd is om 07:00, deelname is gratis en almal is welkom. (Deur Garnett Wicomb)
Bert vinnigste in Parkrun
Bert Verlinde Saterdag op pad na die eindstreep. Foto: Garnett Wicomb