Tarren Jullies (links) en haar man, Conrad, wat hul 100ste Parkrun voltooi het.
Deur Garnett Wicomb
Bert Verlinde (19:48) en Tarren Jullies (23:41) was Saterdag onderskeidelik die eerste man en die eerste vrou by die eindstreep van die 233ste Oudtshoorn Parkrun by die Surval Olyflandgoed.
Jullies was algeheel sesde en het saam met haar man, Conrad (25:05), hul 100ste Parkruns voltooi.
Elizabeth Groenewald het die mylpaal van 150 Parkruns bereik.
Die 10-jarige Richter Scholtz (31:55) was die eerste junior by die eindpunt.
Saterdag se ander top 10-tye was: Newald Groenewald (22:16), Rudolph Clench (22:34), Gerhard van Lill (23:28), Daniel Raubenheimer (23:35), Francois le Roux (23:48), Jean-Claude Oosthuizen (25:13) en Hans Lareman (25:15).
Bert Verlinde wat by Saterdag se Parkrun eerste oor die eindstreep was in ’n baie goeie tyd van 19 min 48 sek. Foto: Garnett Wicomb