So beïnvloed inperking die gesondheidsdienste

Nadia Ferreira, woordvoerder van die Wes-Kaapse Departement Gesondheid, sê net soos hospitale sal kli­nieke steeds oop wees vir noodsaak­- like dienste gedurende die 21 dae-inperking.

Kroniese pasiënte sal steeds hul medikasie kan afhaal en hoef volgens haar nie eers hul leërs te trek en vir observasies te gaan nie.

Slegs pynmedikasie sal aan pa­siënte gegee word in gevalle vir tandheelkundige propbleme.

Arbeidsterapeute, fisioterapeute, oudioloë en dieetkundiges sal egter nie tydens die inperking beskikbaar wees nie.

Ferreira sê alle nie-noodsaaklike chirurgie op pasiënte word gestop, terwyl afsprake met spesialiste ook uitgestel is. Die enigste uitsondering is swanger vroue.

Alle sonarafsprake word geher­skeduleer, behalwe in die geval van swangerskap. Dieselfde geld vir alle X-strale.

“Niemand wat gesond is en geen simptome het nie, sal vir COVID-19 getoets word nie. Slegs mense wat aan die toetskriteria van die Nasionale Instituut vir Oordraagbare Siektes voldoen, sal by hospitale en geselekteerde klinieke getoets word.”

• Daar is aanlyn ’n selfassesse­ringsvorm beskikbaar by www.westerncape.gov.za/department-of-health/risk-assesment-form (Deur Angelique Erasmus)