Thijs Nel by van sy skilderye wat by ArtKaroo saam met ander plaaslike kunstenaars se werke uitgestel word.
Thijs Nel, kunstenaar van Oudtshoorn van wie se skilderye en keramiek, wêreldwyd deel vorm van kunsversamelings, woel en werskaf op 74-jarige ouderdom nog feitlik daagliks “om die wêreld vir homself en ander mooi te maak”.
Van sy nuuste skilderye en keramiekwerk vorm ‘n deel van ArtKaroo se uitstalling van hoofsaaklik plaaslike kunstenaars in die Prins Vincentgebou te Baron van Reedestraat 54, Oudtshoorn. ArtKaroo is by die stegie tussen Mr Price en Brian’s Grill in. Bloch, die wêreld berese boomstomp wat vir die KKNK op Oudtshoorn kuier, staan by ArtKaroo se ingang.
Sy lowerryke tuin, wat vol van sy potte, fonteine en ander keramiekwerke is, is as’t ware ’n sprokieswêreld waar sy kuns en die plantegroei mekaar aanvul.
Nel is uitgesproke daaroor dat hy nog nooit enige erg aan proteskuns gehad het nie.
In sy jongste skilderye is daar steeds vernuwing. Sy jongste skilderye bevat meer herkenbare simbole en is in sekere opsigte minder abstrak. “Dit is darem nog ver van koppies, koedoes en kosmos,” sê Nel in ligte trant. Om Nel by sy huis te Raubenheimerstraat 49 te besoek, kan ‘n afspraak met hom gemaak word by 082 854 5131.
’n Permanente uitstalling van Nel se skilderye, beeldhouwerke en keramiek het verlede maand in Pretoria by die Village Ridge Boutique Hotel in Nieu-Muckleneuk. Die kunswerke word op ’n voortdurende grondslag in die hotel uitgestal en die uitstalling staan bekend as die Thijs Nel Art Gallery.
Chris Bosch, vooraanstaande Suid-Afrikaanse sakeman en kunsversamelaar, en sy vrou, Ilse, is die eienaar van die hotel en het Nel genader om sy werke daar uit te stal. Altesame tagtig van sy skildery en twintig van sy beeldhouwerke in nou daar op uitstalling. ie skilderye dateer uit die sewentiger- en tagtigerjare tot skilderye wat hy onlangs voltooi het.