De Krans, in Calitzdorp, het die afgelope maande met uitstekende resultate in gesogte wynkompetisies opnuut bewys dat dié kelder een van die top port-styl wynprodusente in Suid-Afrika is. By die Fine Wine Awards ontvang De Krans die trofee vir vir beste port-styl wyn vir hulle Cape Tawny (non-vintage), sowel as goue sertifikate vir die Cape Vintage 2020 en De Krans Cape Vintage Reserve 2020.
By die 2025 Michelangelo International Wine- and Spirits Awards word De Krans bekroon met ’n dubbelgoue toekenning vir hul Cape Vintage Reserve 2020, sowel as ’n goue toekenning vir hulle Cape Tawny (non-vintage) port-styl wyn.
Drie van De Krans se wyne behaal ook uitste-kende resultate van 90 punte en hoër in die onlangse 2025 Suid-Afrika Wynverslag, jaarliks vrygestel deur Britse wynkenner, Tim Atkin. Die vlagskip port-styl wyn, 2023 Cape Vintage Reserve, behaal 94 punte, die Cape Tawny 92 punte en die Tritonia Verdelho 2023, ’n sagte en komplekse wit wyn geproduseer van Portugese kul-tivars behaal 90 punte. Besoek gerus www.dekrans.co.za. vir meer inligting.
Wyn van De Krans blink uit in wynkompetisies
De Krans se wynmaker, Christoff de Wet, in die wynkelder. Foto verskaf