Vroue wen
Wesbank se vroue A-span wat Saterdag Plettenbergbaai, voorloper op die ligapunteleer van die Eden Tennisvereniging, met 4-1 geklop het, is van links Rida Bester, Hanlê Cronjé, Christine van Coller (kapt) en Karin Deltenre. Foto: Garnett Wicomb
Deur Garnett Wicomb
DIE A-vrouespan en die B-mansspan van die Wesbank Tennisklub het Saterdag hul onderskeie wed-stryde in die Eden Tennisverening se liga in Wesbank oortuigend gewen.
Die A-vrouespan het Plettenbergbaai, voorloper in die liga, met 4-1 pak gegee. Die B-mansspan het Uniondale met dieselfde telling geklop.
Die A-mansspan het sy wedstryd teen George A op George met 0-5 verloor.
Die volledige uitslae is:
Eerste liga – vroue: Wesbank A teen Plettenbergbaai A: Enkelspel: Christine van Coller k Monica Neethling 6-3, 6-1; Karin Deltenre v/t June Schulz 5-7, 3-6. Dubbelspel: Rida Bester en Hanlé Cronje k Sue Harvey en Liesel Fosbrook 6-3, 7-6; Van Coller en Bester k Harvey en Neethling 1-6, 6-2, 6-1; Deltenre en Cronje k Schulz en Fosbrook 6-2, 6-2.
Tweede liga – mans: Wesbank B teen Uniondale B: Enkelspel: Theunis Kruger k Ben Stemmet 6-4, 6-1; Marcel Petzer k Nico le Roux 3-6, 6-3, 6-3. Dubbelspel: Corlu Nel en Paul Fouche k Pieter-Matt Stemmet en OB Le Roux 6-1, 6-4; Nel en Petzer k Nico le Roux en Ben Stemmet 6-3, 6-4; Kruger en Fouche v/t Pieter-Matt Stemmet en OB Le Roux 4-6, 4-6.