Hoërskool Oudtshoorn se eerste krieketspan het rede om trots te wees nadat hulle as wenners van die SWD Skole Promosieliga vir die 2025/2026-seisoen aangewys is.
Die aankondiging is gemaak tydens die onlangse prysuitdeling van SWD Skole krieket, waar trofeë aan die seisoen se top skole oorhandig is.
Die span van Hoërskool Oudtshoorn het deur die seisoen deurgaans sterk vertonings gelewer en hul plek boaan die Promosieliga verdien. Spelers het met trots, deursettingsvermoë en spanwerk uitgestaan — eienskappe wat hul sukses moontlik gemaak het.
Afrigters en ondersteuners het ook ’n groot rol gespeel in die span se prestasie. Hul harde werk, leiding en toewyding het bygedra tot die ontwikkeling van die spelers en die bou van ’n mededingende span. Die skoolgemeenskap het hul trots uitgespreek oor die jong krieketspelers se prestasie.
Ander wenners tydens die geleentheid sluit in York High School as die o. 19 Superliga-wenners, Hoërskool Outeniqua as mede-wenners van die o.15 Superliga, en Langenhoven Gimnasium as die o. 15 Promosie-liga-wenners.
Hierdie prestasies beklemtoon die hoë standaard van skoolkrieket in die Suid-Westelike Distrikte en dien as inspirasie vir jong spelers om hul drome na te jaag.
“Welgedaan, manne – ons is ongelooflik trots op julle!”
Struisies se eerste krieketspan gekroon as wenners van SWD Skole Promosieliga
Foto verskaf