Deur Higgo Jacobs
DIE Oudtshoorn Gholfklub se vleiskampioen van 2018, Clement Rex, het met ’n telling van 41 punte Saterdag se vleisgholfdag gewen.
Billy Capel (40 punte) was tweede, gevolg deur Gary Hutchings en Mike Broughton, albei met 39 punte op ’n uittel derde en vierde, en Ian Laubscher (38 punte) vyfde.
Chris Serfontein en Ronel Cornelissen het die boerpot gedeel. Ben van Wyk het op die 8ste putjie die naaste aan die pen geslaan. Anton Kock het op die 8ste ’n spogtwee geslaan en Ferdi Jonck en Terry van Coller op die 12de.
• Francois Verwey het Woensdag, 13 Februarie, se individuele stableford met ’n telling van 38 pun-te gewen. Deon Barnard en Barries Griebenouw, albei met 35, was op ’n uittel tweede en derde, en Etienne Roos en Jurie Neethling, albei met 32, op ’n uittel vierde en vyfde.
Ockie Horowitz het op die 3de putjie die naaste aan die pen geslaan. Roos en Neethling het spog-twees op die 12de geslaan en Horowitz en Verwey op die 15de.
