Die Arnold de Jager Ovaalrenbaan wat Saterdag ’n miernes van bedryfwighede tydens die RGR Klein Karoo Kampioenskap was.
Foto’s: RGR Klein Karoo Kampioenskappe se Facebookblad
ALTESAME sowat 2500 toeskouers van regoor onder meer die Oos- en Wes-Kaap het Saterdag op die Arnold de Jager Ovaalbaan buite Oudtshoorn toegesak vir die jaarlikse Richard Griessen Repairs Klein Karoo Ovaalbaankampioenskap.
Klubs van Springbok, Kathu, Kimberley, Bloemfontein, Oos-Londen, Port Elizabeth, George, Worcester, Bredasdorp, Tygerberg en Kaapstad het deelgeneem. Altesame 115 motors het in 11 klasse meegeding.
Die kampioenskap se gewildheid neem jaarliks toe met motors wat al ’n dag of wat voor die kampioenskap by die hek om eerste in te kom wanneer die hekke open om ’n goeie staanplek te verseker. Van dié motor- rengeesdriftiges slaap sommer in hul motors en braai en kuier deurnag.
Saterdag se uitslae was:
• Mini’s: Tersius van Tonder III eerste en Qudo de Wet tweede.
• Ontwikkelingsklas: Johan Engelbrecht eerste; Corniel Bosman tweede; en Niel Engelbrecht derde.
• Standaardklas: Kenzo Barnard eerste; Chris Etzebeth tweede; en Waldo Saayman derde.
• Pienk rods (vrouedrywers): Clarizka Havenga eerste; Vicky Meyer tweede; en Kayla Jones derde.
• Muggiemotors: Jacques van der Merwe eerste; Gerrie Slabber tweede; en Anton Lloyd derde.
• 1660 gemodifiseerde sedanklas: Grant Kirschner eerste; Juan van Rensburg tweede; en Jaco Aylward derde.
• 2.1 gemodifiseerde sedanklas: Ricardo Davey eerste; Jody van Zummeren tweede; en JP Kotze derde.
• Hotrods: Han-Koch Brand eerste; Dewald Ranft tweede; en Llewellyn Kotze derde.
• Heavy metals: Johan Kuyler eerste; Anton Pretorius tweede; en Nadia Jubber derde.
• Gemodifiseerde V8-klas: Pieta Victor eerste; Allan Booysen tweede; en Marius Combrinck derde.