KarooTax bring 28 jaar se kundigheid na Oudtshoorn
– PROMOSIE ARTIKEL
Vir baie klein en medium ondernemings in die Klein Karoo raak belasting en finansies dikwels iets wat afgeskeep word – tot sperdatums en boetes begin dreig. KarooTax, ’n nuwe belasting- en rekeningkundige praktyk in Oudtshoorn, wil die stres verlig deur professionele, praktiese onder- steuning te bied wat belasting eenvoudiger en meer bekostigbaar maak.
KarooTax het onlangs sy deure in Baron van Reedestraat oopgemaak en bied professionele belasting- en moderne rekeningkundige dienste aan kliënte regoor die Klein Karoo en Tuinroete teen bekostigbare fooie.
Die praktyk staan onder leiding van Franscious Myburgh, wat nie net 28 jaar se kennis na die Karoo bring nie, maar ook ‘n passie om plaaslike entrepreneurs te help om hul rykdom te beskerm en ook teen belasting te spaar. Hy het sy BCom Rek voltooi en is sedert Julie 1997 ’n lid van SAIPA (7376). KarooTax is ook ’n goedgekeurde opleidingsentrum (ATC692) vir SAIPA-klerkskappe.
’n Belangrike deel van KarooTax se span is Kaylin Tiemie, wat ’n BCom Rek-graad aan die Stellenbosch Universiteit verwerf het en ook agt jaar se ondervinding het. Haar deursettingsvermoë en aandag aan detail beteken kliënte ontvang vinnige terugvoer en persoonlike diens.
Sy voeg by dat haar dryfkrag om hard te werk grootliks te danke is aan haar twee seuns. Myburgh sê hy hoop om sy kennis in haar hande te plaas sodat sy eendag die praktyk kan voortsit en uitbrei. Sy is ’n lid van SAIT, en Myburgh sal haar ook bystaan om haar SAIPA-klerkskap te voltooi.
Myburgh se liefde vir Oudtshoorn strek van sy grootwordjare af. Hy het Laerskool Wesbank en Hoërskool Oudtshoorn gedurende die 1970’s bygewoon en beskryf sy besluit om terug te keer was ’n bewuste keuse om plaaslike besighede oor die langtermyn te ondersteun.
“Hier is ’n sterk gemeenskapsgevoel,” sê Myburgh. “Dit voel reg om iets terug te ploeg in ’n dorp wat soveel vir my beteken.”
KarooTax help kliënte om hul belas-ting reg te bestuur sodat daar geen onaangename verrassings is nie en, waar moontlik, geld terug in hul sakke te plaas. Die praktyk maak gebruik van moderne rekeningkundige sagteware wat kostes verminder deurdat boekhouding, liassering en salarisse aanlyn gedoen word. Die gratis aanlyn stelsels beteken kliënte kan hul sake bestuur sonder onnodige kantoorbesoeke.
Benewens die plaaslike praktyk in Oudtshoorn, werk KarooTax nog saam met die tak in Gauteng, Gautax. Hierdie samewerking beteken kliënte ontvang plaaslike diens met toegang tot nasionale kundigheid.
“Die enigste rede waarom jy meer belasting moet betaal, is as jou besigheid se wins groei deur beplanning- nie as gevolg van foute nie,” meen Myburgh. ’n Kort gesprek met KarooTax kan reeds nuwe insigte bring – sonder verpligting.
Kontak KarooTax vandag nog vir professionele, plaaslike hulp. Belasting word makliker en goedkoper met die regte ondersteuning. Volg KarooTax op sosiale media en besoek die webtuiste (www.karootax.co.za) vir nuttige wenke en verdere inligting.
