

Die Oudtshoorn Begraafplaas was die week die toneel van erge verwoesting, met die kopstukke van ten minste 20 grafte wat die naweek daar omgegooi en beskadig is. Volgens die opsigter, Hekkie Visman, het dit so gelyk toe hy Maandagoggend by die werk kom. Daar is nie sekuriteit oor naweke by die begraafplaas nie. Ntobeko Mangqwengqwe, munisipale woordvoerder, sê die munisipaliteit ondersoek tans wat daar gebeur het. Die munisipaliteit was nie bewus van die voorval voordat Die Hoorn dit onder hul aandag gebring het nie. Foto’s: Ilze-Mari Gründling