LEDE van die Oudtshoorn Veediefstal- en Bedreigde Spesie-eenheid en die Uniondale Polisie het Saterdag (26 Junie) drie verdagtes op ’n plaas naby Uniondale in hegtenis geneem.
Volgens sers Chris Spies, woordvoerder van die Suid-Kaap Polisie, het die polisie gereageer nadat ’n bok na bewering op ’n plaas geslag en in ’n vragmotor gelaai is.
Die verdagtes; 29, 32 en 35 jaar oud, staan tereg op aanklagte van veediefstal en moes Maandag (28 Junie) in die Uniondale Landdroshof verskyn.
