Dié jeugdiges is op 26 Junie, Internasionale Dwelmdag, deur kol Jacobus Marthinus, bevelvoerder van die Ladismith Polisie, toegespreek en aangemoedig om ’n goeie voorbeeld te stel. Volgens hom is dwelms ’n groot probleem in die gemeenskap en saam met drank dikwels betrokke by geweldsmisdaad. Die voorsitter van die Ladismith Gemeenskap Polisieforum (GPF), Dawid Bothman, het hulle aangemoedig om nie “deel te word van misdaadstatistiek” nie.