Kaperjolledag – 11 November 2022

Fikse deelnemers en hul trotse ondersteuners, tydens vanjaar se Kaperjolledag, by Oudtshoorn Rotary Aftree-oord in Oudtshoorn. Die dag word jaarliks gereël deur Marianne van Greunen, bestuurder van die oord. Sy moedig ook ander aftree-oorde in die omgewing aan om aan die pret te kom deelneem. Vanjaar was daar 3 spanne van die Oudtshoorn Rotary Aftree-Oord, die Originals, Die Rooibokke en Golden Girls. Caves was ook teenwoordig met 1 span, en Santos Haven, van Mosselbaai was ook daar om die kompetisie warm te hou. Die mededinging was sterk, en spanne kon kompeteer in die aflosstap, eier en houtlepel stap, pare stap, ‘passing the ball’, jukskei en rolbal. “Dankie aan al ons borge vir julle ondersteuning” het van Greunen gesê. Fotos: Angelique Erasmus

11/17/2022

Spanne in die pare stap. Elke span se lede is aanmekaar vasgemaak met ’n rek om die arm en moes saamwerk.

Passing the ball’. Die span wie se kaptein eerste voor eindig, wen.

Een van die Rooibokke Kleinplasie wenners: Rooibokke (Geesbeker) in aksie, tydens die eier en lepelstap.

Met die oorgee is die perfekte tydsberekening met die aflosstap belangrik.

Totale konsentrasie is nodig om te rol in rolbal.

Fyn korrel vir deelnemers aan die Jukskei item, wat ook die laaste item van die dag was voor die wenners aangekondig is deur Marianne van Greunen.

Wenners: Die Originals

Naaswenners: Caves

Kleinplasie wenners: Rooibokke (Geesbeker)

SHARE TWEET PIN SHARE