DIE CKI Vleisbemarkingspan se aanvanklike idee was om ’n digitale resepteboek bymekaar te sit wat op sosiale media gebruik kan word. Die inhoud sou bestaan uit ’n versameling beproefde resepte van plaaslike restaurante en CKI kliënte.
“Ons was egter aangenaam verras met die entoesiasme waarmee die geleentheid aangegryp is. In samewerking met Maryna Cotton, wat die pragtige foto’s geneem het, asook elke brokkie kennis, advies en inligting kon ons nie anders as om te besluit dat die boek in gedrukte vorm beskikbaar moes wees nie.
Die versameling van eenvoudige resepte maak die boek ’n aanwins vir elke huis,” vertel Celeste Sinden van CKI. Die boek is beskikbaar by die Cape Karoo Ostrich Emporium in Rademeyerstraat 15 teen R250-00 elk. (Deur Angelique Erasmus)