Deur Angelique Erasmus
’N 29-JARIGE man van Zoar is verlede Vrydag (23 Augustus) in hegtenis geneem nadat ’n groot hoeveelheid Mandrax-tablette in sy besit gevind is.
Daar is 200 tablette in Stewart Williams se broeksak gevind toe sy motor tydens ’n roetinepatrollie op die R62 deur die Ladismith Polisie afgetrek is.
Die tablette was in foelie toegedraai en in ’n plastieksak versteek.
Polisiebeamptes het die motor verder deursoek en op nog twee plastieksakke met 298 Mandrax-tablette afgekom.
Volgens ao Jan Cederas, woordvoerder van die Ladismith Polisie, is die totale waarde van die dwelmfonds R49 800.
Williams het op die dag van sy inhegtenisname in die Ladismith Landdroshof verskyn op aanklag van die handeldryf in Mandrax-tablette en bly in aanhouding.
Hy kom weer Maandag (2 September) voor.
Kapt Henry Edwards, hoof van sigbare polisiëring, het mense aangemoedig om dwelmsmokkelaars een die polisie te rapporteer.
“Alle inligting sal vertroulik hanteer word,” sê Edwards.
