DIE Groter Oudtshoorn se burgemeester, Chris Macpherson, deel vandeesweek die volgende brokkies interessante inligting oor watervoorsiening met inwoners:
• Oudtshoorn se waternetwerk verskaf huishoudelike water aan Oudtshoorn, De Rust, Dysselsdorp en die Klein-Karoo Landelike Watervoorsieningskema (KKLWVS) vanaf Vlakteplaas buite De Rust tot by Gamka-Oos en Gamka-Wes en noordwaarts tot by die Kango Grotte.
Waterbronne is die Melville- en Raubenheimerdam en Rust-en-Vrede Waterval vir Oudtshoorn; agt boorgate wat Dysselsdorp en die landelike waterskema voorsien, terwyl De Rust en Blomnek water uit die Huisrivier kry.
• Oudtshoorniete gebruik tans sowat 15 miljoen liters water per dag; De Rust en Blomnek gebruik gemiddeld 500 000 liters per dag; Dysselsdorp se verbruik is 1,28 miljoen liters en huishoudings in die KKLWVS sowat1,33 miljoen liters per dag.
Oudtshoorn se burgemeester deel interessante inligting
