DIE Oudtshoorn Polisie het Saterdag ’n 25-jarige man in Uranusstraat in Toekomsrus in hegtenis geneem vir die onwettige besit van ’n vuurwapen en ammunisie. Hy het reeds Maandag in die Oudtshoorn Landdroshof verskyn.
Volgens sers Gretchen Michaels, woordvoerder van die Oudtshoorn Polisie, was polisiebeamptes omstreeks 11:30 besig om die omgewing te patrolleer toe ’n man skielik begin hardloop het.
Polisiebeamptes het hom agterna gesit en ’n 9 mm-Vectorpistool en twee 2 rondtes ammunisie in sy besit gekry.
Volgens Michaels is dit nie ’n pistool wat as gesteel by die polisie aangemeld is nie.
